ផលវិបាកនៃវិបត្តិស្នេហា
នេះ ជារឿងរ៉ាវពិតនៃស្នេហាមួយរវាងមិត្តភក្តិរបស់ខ្ញុំ
ជាមួយមិត្តស្រីរបស់គាត់ដែលមានទំនាស់ហើយបានឈានដល់ការបែកបាក់
ថែមទៀតផង គាត់បានសរសេរវាអត្ថបទបង្ហាញនៅលើទំព័រ Facebook
ដើម្បីជាបទពិសោធន៍សម្រាប់មិត្តយុវវ័យសូមអានដូចតទៅ៖
 |
| Add caption |
លើលោកយើងនេះមិនមានអ្នកណាម្នាក់គេចផុតទេពី ការពិបាកចិត្ត
ទាំងផ្លូវកាយនឹងផ្លូវចិត្ត តែបញ្ហាទាំងនោះគឺយើងអាចដោះស្រាយបាន
អ្វីក៏ដោយតោងតែមានដំណោះស្រាយ ។ វិបត្តិផ្លូវចិត្តប៉ះពាល់យ៉ាង
ខ្លាំងដល់រាងកាយ របស់យើង ដូចជាមានវិបត្តិស្នេហា
ពិបាកចិត្តមិនញ៉ាំបាយ ឫដេកមិនលក់ជាដើម
ដែលជាហេតុឱ្យរាងកាយយើងខ្សោយ ច្នេះទេ
កាលណាដែលវិបត្តិស្នេហានេះកើតឡើងហើយ យើងត្រូវតែដោះស្រាយ
តើបញ្ហាចំបងនោះជាអ្វីដែល បណ្តាយឱ្យអ្នកទាំងពីរបែកគ្នា ?
បើសិនជាការដោះស្រាយ នោះមិនចុះសម្រុងគ្នាទេ
ឫមួយក៏មិនមានចំណុចរួមដែលធ្វើឱ្យអ្នកទាំងពីរ ត្រូវគ្នាទេ
ដំណោះស្រាយទីពីរ គឺមានតែសម្រេចចិត្តដកសេចក្តីស្រឡាញ់ពីនាង
សួរថាតើការដកសេចក្តីស្រឡាញ់នោះយូរប៉ុណ្ណាដែរ?
នេះវាអាស្រ័យនឹងការស្រឡាញ់ ដែលអ្នកមានចំពោះនាង
អាចយូរឫឆាប់អាស្រ័យលើ រូបអ្នកផ្ទាល់ បើសិនជាមូលហេតុដែលញ៉ាំងឱ្យ
អ្នកទាំងពីបែកគ្នា ដោយសមហេតុផល បានន័យថា រវាងអ្នកទាំងពីរមានចិត្ត
មិនសូវចុះសម្រុងគ្នា ឫមួយតែងតែមានគំនិតផ្សេងគ្នា
ដូច្នេះបើអ្នកបន្តរស់នៅជាមួយគ្នា ក៏គង់តែមានបញ្ហា កើតឡើងថ្ងៃក្រោយ
ឫបែកបាក់ដដែលទេ ។ បញ្ហាផ្លូវចិត្តនេះកើតឡើងគ្រប់មនុស្សទូទៅ ក្មេង
ចាស់ មាន ក្រ គឺគ្រប់ស្រទាប់វណ្ណៈ ។
មានអ្នកខ្លះ ព្រោះតែបែកបាក់ស្នហា
រហូតដល់ទៅលោតទឹកនៅស្ពានជ្រោយចង្វារ ថ្មីនេះក៏នៅតែកើតមានឡើង
តាមទិន្នន័យក្នុងមួយឆ្នាំ មានរហូតដល់ ៣០ ទៅ ៤០ នាក់ ។
អ្នកខ្លះសំណាងក៏ត្រូវគេស្រង់ទាន់ពេលវេលា អ្នកទាំងនោះគឺទៅស្លាប់
ដើម្បីបញ្ឈឺចិត្ត អ្នកខ្លួនស្រឡាញ់ដែលនៅរស់ សួរថា
តើធ្វើនេះបានប្រយោជន៍អ្វី ក្រៅអំពីខ្លួនឯងស្លាប់បាត់ទៅហើយនោះ
ដូច្នេះមិនត្រូវស្រឡាញ់អ្នកដទៃជាងខ្លួនឯងនោះទេ ។
ជាបទពិសោធន៍របស់ខ្ញុំ ពេលដែលមានវិបត្តិផ្លូវចិត្តនេះមានឡើង
ខ្ញុំមិនដឹងដោះស្រាយ របៀបណាទេ ជួនកាលយើង មិនមានឱកាសក្នុងការបកស្រាយ
ដូចជាតេទៅមិនទទួល ឫផ្ញើសារមិនតបជាដើម មូលហេតុ ដែលកើតឡើងហើយ
នៅមិនមានដំណោះស្រាយ ធ្វើឱ្យចិត្តខ្ញុំ នៅមិនស្ងប់ រហូតមិនញ៉ាំបាយ
ឫក៏ដេកមិនលក់ ព្រោះតែអារម្មណ៍បាត់បង់មនុស្ស ស្រឡាញ់
តែអ្វីដែលខ្ញុំធ្វើនេះ មិនបានធ្វើឱ្យនាង
អាណិតឫក៏ត្រលប់មកស្រឡាញ់ខ្ញុំទេ
ព្រោះនេះមិនមែនជាដំស្រាយដ៏ត្រឹមត្រូវនៅឡើយ ។
មានមិត្តភ័ក្តិខ្ញុំមួយចំនួន បបួលខ្ញុំទៅ ផឹក
ដើម្បីបាត់អំពីទុក្ខនេះ តែខ្ញុំប្រកែកមិនទៅនោះទេ
ព្រោះក្រោយពីផឹក ហើយគឺទុក្ខនោះមិនបានរំសាយទេ ទុក្ខនៅតែមាន
ដោយសារមិនមានដំណោះស្រាយ ។ រឿងខ្ញុំបានដោះស្រាយជាមួយនាងរួចរាល់ហើយ
តែយ៉ាងណាយើងទាំងពីរ មិនមានដំណោះស្រាយ រួមដើម្បីបន្ត
ជីវិតស្នហានេះបានទេ
គឺនាងមិនអាចទទួលបាននូវអ្វីដែលខ្ញុំបានធ្វើទៅលើរូបនាង
ហើយនាងប្រាប់ខ្ញុ្ំថា គឺនាងទទួលយកខ្ញុំអត់បាន ។
ដំណាក់កាលបន្ទាប់ គឺខ្ញុំមានតែដកចិត្តស្រឡាញ់ពីនាងចេញ
ដើម្បីកុំឲ្យមានទុក្ខ ឫវិបត្តិផ្លូវចិត្តនេះកាន់តែយូរទៅ
អាចបណ្តាលឱ្យបាត់បង់ស្មារតី ឫបណ្តាលឱ្យ
វិកលចរិកក៏ថាបានបើមិនព្យាបាលទាន់ពេលនោះទេ ។
សួរថាតើខ្ញុំប្រើរយ:ពេលប៉ុណ្ណា ដើម្បីភ្លេចនាង
សេចក្តីស្រឡាញ់ខ្ញុំមានជាងមួយឆ្នាំហើយ
ដូចនេះប្រហែលជាខ្ញុំត្រូវចំណាយពេលយូរ
ដើម្បីបំភ្លេចមនុស្សខ្ញុំស្រឡាញ់ ។ ខ្ញុំនៅតែស្រឡាញ់នាង
តែមិនមានវាសនា ៕
ផលវិបាកនៃវិបត្តិស្នេហា
Reviewed by PHUM
on
June 07, 2019
Rating:
Reviewed by PHUM
on
June 07, 2019
Rating:
No comments:
Post a Comment